Thiravukol

*** The Key to my thoughts in Tamil ***

Name:
Location: Basel, Switzerland

https://www.instagram.com/mail2subha/

Wednesday, April 26, 2006

Oru Vaarthai pesa Oru Varusham...


ஆஷு. காக்கா சொல்லு.

காக்கா.

பாப்பா!

பாப்பா.

தாத்தா!

தாத்தா.

அப்பா!

அம்மா! (அதுவும் அழுத்த்ந்திருத்தமாய்!)

ஆஹா! என்னவொரு ஆனந்தம்! :) (எனக்கு தான். பெயர் குறிப்பிட விரும்பாத அப்பாவிற்க்கோ எரிச்சல் தாங்கலை!)

3 Comments:

Anonymous Anonymous said...

Hi Hi Hi...

1:28 AM, April 27, 2006  
Anonymous Anonymous said...

Cute and Cherishable!

9:59 PM, April 27, 2006  
Blogger kuttichuvaru said...

ha ha..... appo 'amma' solla sonnaa enna solraa??

7:28 PM, May 01, 2006  

Post a Comment

<< Home

Ayush Homam.

ஆஷுக்கு ஒரு வயசாக போவுதுனு நினைச்சா நம்பவே முடியலை. போன வாரம் அவளோட ஆயுஷ் ஹோமம் நல்லபடியா நடந்து முடிஞ்சுது. காதும் குத்தியாச்சு. என்னமோ குழந்தை மாறி போன மாதிரி தோணுது.. முகமும் மாறியிருக்கு.. குணமும் மாறியிருக்கு. அதெப்படி ஒரே நாள்ல ஒரு குழந்தை மாறும்னு தெரியலை. காது குத்தினதோட effectஓ என்னமோ? அடுத்த மாசம் மொட்டை வேற அடிக்கணும். பாவம் குழந்தை. போட்டு படுத்தி எடுக்கறோம். மெட்ராஸ் டு பெங்களூர் வரும்போது, புல் பர்த்லயும் அவளே படுத்துகிட்டா. சைட்ல திருப்பி படுக்கவைக்கலாம்னா பாவம் குழந்தைக்கு காது வலிக்குமோன்னு நினைச்சு, நான் ஒரு ஓரமா ஒருக்களிச்சு படுத்துகிட்டு வந்தேன். கொடுமையா இருந்தது. இந்த அழகுல முதல்ல சைட் லோயர் தான் குடுத்தாங்க. அதுல நான் மட்டுமே படுக்கற்து கஷ்டம். சரி யார் கிட்டயாவது சொல்லி மாத்திக்கலாம்னு நினைச்சா, எல்லா லோயர்லயும், ஒரு கைக்குழந்தை இருக்கு. எங்க அம்மா, கணவர் இரெண்டு பேருக்குமே அப்பர் பர்த். அப்புறம் கடைசியா, பக்கத்து ப்ர்த்ல ஒரு பொண்ணு வந்தாங்க. அவங்க கிட்ட கெஞ்சி, அவங்க பெரிய மனசு பண்ணி விட்டுக் குடுத்தாங்க. அதுல படுத்துக்கிட்டு வந்ததுக்கே இப்படி. சைட் லோயர்ல படுக்கற்துக்கு பதிலா, தரைலயே படுக்கலாம். அவ்ளோ மோசம். ஒரே காசுக்கு எப்படி இவ்ளோ வித்தியாசம் இருக்க முடியும்? குழந்தைய கூட்டிக்கிட்டு வீட்டு வாசப்படி தாண்டக் கூடாதுங்க.

1 Comments:

Blogger B o o said...

அதே கேஸ் தான் இங்கயும். ஒரு மொட்டைக்கே கதி கலங்கி போச்சு! :(

(Very sorry for the long delay! Longest delay possibly in the blogosphere!!! )

7:25 PM, June 29, 2006  

Post a Comment

<< Home

Friday, April 14, 2006

Another Blog. (God! I must be really jobless!)


தமிழ் பதிவு ஆரம்பிச்சாச்சு! தமிழ் புத்தாண்டுக்கு ஒரு ப்ளாக்கர் இதை விட பெரிசா என்னத்த செய்ய முடியும்? ப்ரகாஷ்க்கும், ப்ரேமலதாக்கும் மிக்க நன்றி. அவங்க தான் இதுக்கு காரணம். கொஞ்ம் க்ரெடிட் பிரபுக்கும் கொடுக்கணும். என்னை பீட்டர் பார்ட்டின்னு சொன்னவராச்சே! பதிவெல்லாம் போடறதுக்கு முன்னாடி இதை சொல்லிடறேன். "பிழைகள் இருந்தால்(கண்டிப்பா இருக்கும்!) பொருத்தருள்வீர்களாக"! இந்த க், ச் இதெல்லாம் வேண்டாத இடத்துல இருந்தாலோ, வேண்டிய இடத்துல இல்லைனாலோ கண்டுக்காதீங்க. அதெல்லாம் தமிழம்மா சொல்லிக் குடுக்கும் போது நான ட்ராமா ப்ராக்டீஸ்க்கு (கீழே இருக்கும் பதிவை பார்க்கவும்!) போயிட்டேன்! மத்தபடி வேற பிழைகள் எதாவது இருந்தால், அது டைபோஸ்!( இப்ப தான் தமிழ்ல டைப் பண்ண ஆரம்பிச்சு இருக்கேன். அநியாயத்துக்கு பொறுமை வேண்டிருக்கு.)

தலைப்பு இங்கிலிஷ்ல இருக்கேன்னு, "தமிழ் பதிவுக்கு எதுக்கு இங்கிலிஷ் டைட்டில்?" ன்னு போராட்டம் எல்லாம் பண்ணாதீங்க. "யாதும் டைட்டிலே, யாவரும் கேளிர்!" (முதல்ல கேளிர் ஆ, கேளீர் ஆன்னு சொல்லுங்க. அது கூட தெரியாம என் டைட்டில பத்தி என்ன பேச்சு வேண்டியிருக்கு?) தமிழ்ல ப்ளாக் பண்ணுவேன்னு முன்னாடியே தெரிஞ்சுருந்தா, வேற நிக்நேம் தேர்ந்தெடுத்துருப்பேன். பரவாயில்லை. "பூ" ன்னே வச்சுக்கலாம், அதுவும் அழகாதான் இருக்கு! ("ப்பூ"ன்னு ஆகாம இருந்தா சரி!)

வருகை தந்த அனைவருக்கும் புத்தாண்டு நல்வாழ்த்துக்கள்! வராதவர்களுக்கு, Happy Tamil New Years Day!

10 Comments:

Blogger kuttichuvaru said...

Iniya Thamizh Puthaandu Vaazhthukkal!!

5:05 PM, April 14, 2006  
Anonymous Anonymous said...

தாய்க்குலமே... வருக வருக..

தமிழ் வலைப்பதிவு உலகத்துக்கு நல்வரவு

7:22 AM, April 15, 2006  
Anonymous Anonymous said...

மிதிவண்டி இடைவெளியில்(Cycle Gap la) என்னை எதுக்கு வம்புக்கிழுக்கறீங்க?

9:19 AM, April 15, 2006  
Blogger Premalatha said...

தமிழ் புத்தாண்டுல முதல் வேலை இதுதான், அதாவது உங்களுக்கு பின்னுட்டம் இடுவது (இனிமே இந்தமாதிரி வார்த்தைகள்லாம் கத்துக்கணும். அப்பத்தான் இவய்ங்க கிட்ட குப்ப கொட்ட முடியும்). சரி, சரி, என் புரணம் போதும்,

வருக, வருக.

என்னோட ப்ளாக்குக்கு இப்போதான் ஒரு ஸ்ட்ரெங்த்தே கிடைச்சிருக்கு. (அப்பா, இனிமே வாசகர்களும் இருப்பாங்க). கூட்டாளியே, வருக, வருக.. (எலெக்ஸன் டைம். அப்படியே, தமிழ் ஸ்டைல்ல ஒரு வெல்கம் போட்டேன்).

11:27 AM, April 17, 2006  
Anonymous Anonymous said...

கலக்குங்க....புத்தாண்டு நல்வாழ்த்துக்கள்!

11:30 PM, April 19, 2006  
Anonymous Anonymous said...

வாங்க, வாங்க!!
..aadhi

12:02 AM, April 20, 2006  
Blogger Kowshic said...

அட! தமிழ் வலைப்பதிவா! நடக்கட்டும்-நடக்கட்டும்!

8:14 PM, April 20, 2006  
Blogger B o o said...

வருகை தந்த அனைவருக்கும் முதற்கன் என் நன்றி! கடைசியாவும் நன்றி! :)

5:41 PM, April 26, 2006  
Blogger The Visitor said...

தமிழ்லயும் கலக்குறீங்க! பலே, பலே! :)

12:21 AM, September 13, 2006  
Anonymous Anonymous said...

Booooo,

Can you let me know how do you type in tamil. I tried all the possible ways... it was booooo.. so let me if you've time and I'll give sneak preview of my poems, if you could help me.

Thanks
anukavi.

7:45 AM, November 01, 2006  

Post a Comment

<< Home

Annual Day.

நான் எல்கேஜி லேந்து ஐந்தாவது வரைக்கும் ஒரே ஸ்கூல் தான். அந்த ஸ்கூலோட பெருமையே அதோட annual day தான். சம்மர் லீவுக்கு முன்னாடி வரும். முதல்ல அந்த வருஷம் நடந்த விளையாட்டு போட்டி, பேச்சு போட்டி அதுக்கெல்லாம் ப்ரைஸ் குடுப்பாங்க. அப்புறம் இந்த ட்ராமா, டான்ஸ் கூத்தெல்லாம் நடக்கும். ஒவ்வொரு க்ளாஸ்லேந்தும் சில பேர செலக்ட் பண்ணி அவங்களுக்கு ப்ராக்டீஸ் குடுப்பாங்க. நான் எப்போதும் எதுலயாவது சேர்ந்துடுவேன். க்ளாஸ் கட் அடிச்சிட்டு ப்ராக்டீஸ் ப்ராக்டீஸ்னு போய்டுவோம். இதுக்குனு ஆள் ஏற்பாடு பண்ணி வச்சுருப்போம். வந்து கூப்ட. எந்த பீரியட்ல டெஸ்ட் இருக்கோ அந்த டைம்க்கு கரெக்டா ஆள் வந்துடும் "ப்ராக்டீஸ்க்கு கூப்டாங்க"ன்னு. ஒரு வெற்றி புன்னகையோட கிளம்பிடுவோம். அதுவும் லாஸ்ட் பீரியட்னா இன்னும் சந்தோஷம். பையையும் தூக்கிட்டு ஜூட் தான்.

தமிழ் நாடகமா, இங்க்லிஷ் நாடகமா? பரத நாட்டியமா, குத்தாட்டம்மா? (இருபது வருஷம் முன்னாடி குத்தாட்டம் அவ்ளோ மோசம் கிடையாது!) எங்க அக்கா மாதிரி சில "ஆல் இன் ஆல் அழகு ராணிங்க" எல்லாம் ரெண்டு, மூனு ஷோ-ல மெயின் ரோல் பண்ணுவாஙக. அவங்க எல்லாம் முக்கியப் பட்டவங்க. நானெல்லாம் மிஞ்சிப் போனா ரெண்டு ஷோ, அதுவும் "உப்புக்கு சப்பாணி" ரோல் தான். இப்ப யோசிச்சா பாவமா இருக்கும். ஆனா அப்பெல்லாம் அதுவே சொர்கம். க்ளாஸ்ல ரெண்டு, மூனு பேர தான் செலக்ட் பண்ணுவாங்க. அதனால அதுவே பெரிய விஷயம். அதுவும் மேக்கப் போட்டுக்கவே ட்ராமா-ல சேருவோம். மெயினா லிப்ஸ்டிக். ராமராஜன் மாதிரி "மனோகரா" ட்ராமா-ல் நடிக்கற சிப்பாய்க்கு கூட லிப்ஸ்டிக் உண்டு.

எனக்கு எப்போதுமே டான்ஸ்-ல இஷ்டம். கண்ணாடி முன்னாடி நின்னு ஆடிகிட்டே இருப்பேன். (ஆறு வயசுல என்னோட கொணஷ்டையெல்லாம் பார்த்து எங்க அம்மா என்னை பரத நாட்டிய க்ளாஸ்ல சேர்த்து விட்டு, நான் ஒரே நாளோட ஓடி வந்தது வேற விஷயம்!) எப்போதும் எதாவது ஒரு க்ரூப் டான்ஸ்-ல தான் நான் இருப்பேன். எட்டு பேர் இருப்பாங்க. நல்லா ஆடற பசங்க இல்லேனா, பொண்ணுங்களுக்கே பசங்க வேஷம் போட்ருவாங்க. ஹைட் படி தான் நிக்க வைப்பாங்க. நான் எப்போதும் ரெண்டாவது இல்ல மூணாவதா நிப்பேன். ரொம்ப நல்லா ஆடினா சென்டர்-ல நிக்க வைப்பாங்க. ஆனா டீச்சரோட அண்ணன் பொண்ணோ, பையனோ க்ரூப் டான்ஸ்ல இருந்தா, நமக்கு சென்டர் சான்ஸ் அதோகதி தான். மூணாவது படிக்கறப்போ அடிச்சுது எனக்கு அதிர்ஷ்டம். டீச்சரோட அண்ணன் பையனுக்கும் எனக்கும் சென்டர்ல் ஆட சான்ஸ். (நல்ல வேளை டீச்சரோட அண்ணனுக்கு பொண்ணு இல்லை!) எனக்கு தலை கால் புரியாத சந்தோஷம்! பார்க்கறவங்க எல்லார் கிட்டயும் சொல்லி பீத்திகிட்டு இருந்தேன். (இப்ப கூட அது தான் பண்ணிகிட்டு இருக்கேன்!)

Annual day அன்னிக்கி மத்யானம் கடைசியா ஒரு வாட்டி ப்ராக்டீஸ் பண்ணிட்டு, மேக்கப் ஆரம்பமாகும். மேக்கப் மேன் எல்லா சாமானோட ஒரு ரூம்ல இருப்பாரு. என்ன ரோல்னு சொன்னா அதுக்கு ஏத்த மாதிரி மேக்கப் நடக்கும். "கண்ண மூடு, அஞ்சு நமிஷம் தறக்காத, தண்ணி குடிக்காத, இல்லேனா லிப்ஸ்டிக் அழிஞ்சுடும்" ன்னு டீச்சர் சவுண்ட் உடுவாங்க. அஞ்சு மணி வாக்குல எங்கம்மா பிஸ்கட், ரஸ்னா வோட வருவாங்க. உதட்ல படாம தூக்கிக் குடிப்பேன். மத்த பொண்ணுங்களுக்கெல்லாம் நான் குடிக்கறது தண்ணி இல்லை, ரஸ்னானு தெரியணுமேன்னு வேற கவலை. "அம்மா அந்த ரஸ்னாவ குடு. ரஸ்னா சில்லுனு இருக்கா? ரஸ்னா போறும்" னு ரஸ்னாக்கு தனி அழுத்தம் வேற. ஷேர் பண்ணிப்போம்னு தோணவே தோணாது. "என்னுடையது எல்லாம் என்னுடையது மட்டுமே. மற்றவருடையது எல்லாம் நான் திருடிக்கொள்வத்ற்கே" ன்னு நினைச்சுக்கிட்டு இருந்த காலம் அது. (ரொம்ப சாரி, பர்ஸானா. உன்னோட சிங்கப்பூர் ஸ்கேல திருடினது நான் தான்!)

ப்ரேயர் சாங், வெல்கம் ஸ்பீச், விஐபி ஸ்பீச், பரத நாட்டியம்(லலிதா மிஸ்ஸோட பொண்ணு!) அப்புறம் ஷோ ஆரம்பமாகும். எல்கேஜி ஸ்டூடண்ட்ஸ்லேந்து ஆரம்பிப்பாங்க. அஞ்சாவது வகுப்பு வரதுக்குள்ள, குட்டீஸ் எல்லாம் தூங்கியே போயிருக்கும். என்னோட ரெண்டு நிமிஷ சிப்பாய் ரோல் முடிஞ்ச உடன, ஓடிப் போய் டான்ஸ்க்கு தயாராவேன். "சங்கே முழங்கு!" நல்ல தமிழ்ப்பற்றுள்ள பாட்டு, கட்டாயம் ஃபர்ஸ்ட் ப்ரைஸ்ன்னு விஜயா மிஸ் சொல்லி இருந்தாங்க. அதுவும் மிஸ்ஸோட அண்ணன் பையன் வேற என்னோட ஜோடி. கண்டிப்பா ப்ரைஸ் உண்டு! நல்லா ஆடினேன்னு நினைக்கறேன். முடிஞ்சப்புறம் ஓடிப் போய் அப்பா-அம்மா மடில உக்காந்து மிச்ச ப்ரோக்ராம் எல்லாம் ரஸ்னா குடிச்சுக்கிடே பார்ப்பேன். எங்க அக்காவோட தனி பரத நாட்டியம் ஆரம்பிக்கும் போது, சத்தமா கை தட்டுவோம். லலிதா மிஸ்ஸோட பொண்ணுக்குதான் எப்போதும் போல ஃபர்ஸ்ட் ப்ரைஸ் குடுப்பாங்க. இருந்தாலும், "வந்தாள் மஹாலக்ஷ்மியே" பாட்டு முடியும் போது, எங்க அக்காக்கு கிடைக்காதான்னு ஒரு நப்பாசை இருக்கும். ஆனா அவ இதுல இல்லேனா, இன்னொன்னுல வாங்கிடுவா. எனக்கு இருக்கற ஒரே சான்ஸ் "சங்கு" தான்! கடைசியா ப்ரைஸ் அனொவுன்ஸ் பண்ணுவாங்க. எங்க அக்காக்கு இரண்டாவது ப்ரைஸ்! (லலிதா மிஸ்ஸோட பொண்ணுக்குதான் ஃபர்ஸ்ட் ப்ரைஸ்!) "அண்ணன் பையன்" இருக்க கவலை ஏன்? பர்ஸ்ட் ப்ரைஸ் எங்களுக்கே! ஒரே சந்தோஷம். நன்றி அண்ணன் பையா! (பேர் மறந்து போச்சு.) அப்புறம் தூக்கக் கலக்கத்தோட அப்பா ஸ்கூட்டர்ல வீட்டுக்கு போவோம். டான்சுக்குன்னு கட்டிக்கிட்ட அம்மாவோட பட்டுப் புடவைய மனசே இல்லாம கழட்டுவேன். இப்ப யோசிச்சா, அத போட்ட்டுக்கிட்டே தூங்கி இருக்கலாம்னு தோணுது.

6 Comments:

Anonymous Anonymous said...

Hmmm. English la thaan nalla ezhudhuvannu theriyum, thamizh layum kalakkara.. Brought me back to those days! Now they don't have that stage area I think, they built buildings there too :-(

4:48 PM, April 14, 2006  
Blogger kuttichuvaru said...

ரொம்ப நல்ல பதிவு !! எனக்கும் என்னோட பள்ளி அனுபவங்கள் தோணிடுசு !! ப்ரசன்னா பாவம்!! திரும்ப கொடுத்துடுங்க!!

5:12 PM, April 14, 2006  
Blogger Viji said...

school name sollunga! [sri matha?] :)

6:47 PM, April 17, 2006  
Anonymous Anonymous said...

nIngka enththa paLLikkUtam?

10:24 PM, April 17, 2006  
Anonymous Anonymous said...

aamaam, unga "alma mater" ennanu therinjukkanum

sollunga please...

6:46 PM, April 19, 2006  
Blogger பாரதிய நவீன இளவரசன் said...

கல்லூரிக்காலத்தைவிட பள்ளிப்பருவ நினைவுகள் இனிமையானவையாகவே எனக்கும் தோன்றும்.

யார் வாசித்தாலும் அவரவர் பால்ய கால ஞாபகங்கள் டக்கென்று வரத்தான் செய்யும்.

இன்னும் நிறைய எழுதுங்கள்.

7:30 PM, April 22, 2006  

Post a Comment

<< Home

free invisible hit counter